الشرقية ........قبل رمضان شي ثاني

هنا مخزن ذكرياتكم هنا نأرشف رحلاتنا فشاركنا

الشرقية ........قبل رمضان شي ثاني

مشاركةبواسطة حــــــــمد » الأربعاء 19-09-2007, 14:05

بسم الله الرحمن الرحيم


السلام عليكم ورحمة الله وبركاته


بماااا ان هذ القسم جديد اظطريت اني اروح رحلة عشان اجي اكتب هناااا<<< ايه هين بس لا يكثر

والله في الاسبوع الاخير من الاجازة الصيفية قررنا انا ومجموعه من الشبيبة اننا نروووح للشرقية بما ان حقين المدارس (البزارين ) رجعواااا لمدارسهم <<<وش عنده ..

يعني اول يوم دراسه كان له طعم ثاني بالنسبة لناااا.. والله كنااا 5 اشخاص في سيارة انطلقنااا من الرياض يوم الجمعه الساعه تقريبااا 12 في الليل ومشينااا مع طريق خريص متجهين للأحساااء ومن الاحساء بنطلع لسلوى << سلوى قرية على الحدووود القطرية
وتقريبااا وصلناااا الفجر اتذكر انه كان على الاذان المهم يوم وصلنااا للمكان الي كنااا متجهين له كان خويناا راعي البيت (خوينااا معنى في الرحلة ) ناسي مفتاااحه الله يهديه في الرياض ايه هذي والله النشبة وصلنااا مقصرين وحالتنااا حاله واصلا مطاقين في السيارة في الطريق (( يسمعون بالنقاش الجاااد )) صلينااا الفجر وعلى قولتهم من اصبح افلح يوم صليناا اشوااا لقى جاره في السكن صار معه مفتاااح سبير << نسخه ..

المهم انهااا انفرجت علينااا وقررنااا اننا نرقد من طبعااا خوينى ذا راقد ع السرير واالاربعه الباقين ملطعييييييين ع الارض وحالتنااا حاله طبعاااا رقدنااا بس الله ياهي نوووومه خاصتن انااا والله نمت نومه حلوه يحبهاااا قلبكم ... <<< انواع ترفيس الي جمبه مسيكين والله رحمته ..

قمنا تقريباا ع صلاة العصر اخذناا لفة في هذي القرية اقول لكم هذي قرية صغيره يعني تقريبااا كبر ثادق يعني ميب شينه حليوه ازين مافيهااا انك جمب البحر والبحر قوووووووووي رمل ابيض وبحر سماااوي تحس انك في الافلام ..
الزبده مشينااا للشرقية (( الخبر )) قبل صلاة المغرب ووصلنااا تقريبااا الساعه 9 والمسافه بينهم تقريبا 300 كيلو طبعااا تمر على الاحساااء وعلى بقيق يعني ماتمل في الطريق واصلا الحين تغير الوضوع مع هذا التطوور انس انك تمل في الطريق الحمدلله كلكم يعرف الحين شركات الاتصالات نزلت خدمة النت على ابراج الجوال وتشبك من الجوال على طول على الكمبيوتر وطبعااا كنااا شابكين النت وكل ساعه تلقى الكمبيوتر مع واحد الي بينزل مقطع والي بيفتح ايميله والله شغله يعني زي ماقلتلكم ما تحس بالطريق <<< ماكلهااا الا السوووواااق مسيكين يسوق وبس ..

يوم وصلنااا صليناا العشاء والمغرب وقلناااا خل نريح شوي وناخذ لنااا قليل من القهوة ولعلنا رحنى للقهوة جلسنااا فيها تقريبا ساعه ... جت الساعه 11 وكل واحد يقول خل نروح للمكان الفلاني المهم رسينااا على اننا نروح لم مدينة ثانية خير الخبر طبعااا يمكن كلكم تعرفونهااا الي هي ( راس تنورة ) وطبعااا كنى مجهزين جدول العشى اول يووووم كان مشوي ....<<ياسلام قطرة سعبولتي وانااااصايم ..
دخلنااا السوبرماركت وتقظينااا مقاضي المشوي (( الدجاج , الفحم . الكاتشب . المايونيز .....الخ )) ..

مسكنااا الخط متجهين الى راس تنورة طبعا المسافه بينهم كانت تقريبااا 70 كيلو المفروض ناخذهااا في نص ساعه اخذناهااا في ساعه ونص بسبب التحويلات الي حاستنااا وصرنا نروح ونرجع مع طريق عش مرات ولا ندري وشلون نرجع له المهم جعلكم منتو معنااا يعني ندري ان الطريق من هنااا بس ما نقدر نروح يقطع ام القهر الحمدلله بعد جهد وعنااااء ا وصلنااا الى كورنيش راس تنووورة وكان الجووو روووعه يعني بشكل ماتتخيلون كان هوااء عليل بارد طبعا ماكان في رطوبه الحمدلله طبعا كورنيش راس تنورة معروف من ارقى الشواطى في المنطقة الشرقية ومجهز تجهيز جباااار واهم شي نظييييييييييف المهم نزلنا اغراضنااا و قلناا خل نلعب كووورة لعبنااا كووورة الين انفقعت الكووورة << الحمدلله انها انفقعت ...
عقب اللعب كل الشبااااب جايعين بدين نشوي وبصراحه كان المشووووي قووووية خاصة التتبيلة كانت تهبل ...
تعشينااا الحمدلله وتسدحنااا شوي بعدين جلسنااا نلعب ورقه ((بنت السبيت )) طبعااا انواع النذالة في ذي اللعبة يوم لعبناا
جت الساعه 4 الفجر ..

وقصرنااا ظفينااا عفشنااا ورجعناا مره ثانية للخبر واستاجرنااا ورقدناااا طبعااا انواع المواقف المظحكه في الشقة وانواع الاشكال الغبية ...



يوم قمنااا تقريبا في نفس الوقت الساعه 3 العصر وصلحنا قهوتنااا وتقهوينااا وعينا من الله خير وطلعنااا قلنااا خل نتغدى كان الجو لك عليه يعني قلنا خل نروح نتغدى في مجمع مطاعم الراشد تغديناا وطلعنااا للهاف موووون طبعااا كانت الساعه يمكن 7 المغرب لا قبل مانروووح لللهاف مووون صح ذكرت رحنى لم محل مخييييييييييس ياليتنا مارحنى له موب زين واحد صاجنااا انه زين زين بعدين قررنا اننا نروح لم الهاف موون طبعااا كلكم عارفين ان كان اليوم الاحد وكان مافيه احد كل النااس لاهين في الدراسه واي مكان نروح له كان فاضي مافيه عوايل ولا خرابيط يعني ماخذين راحتنااا على الاخر واذكر مافيه على البحر الا انااا وناااس بعيدين عنااا يعني انواع الوناااااسه طبعااا كانت تتخلل الجلسه شواهي وقهاوي وسبااااحه << طالعين سمك من كثر ماسبحنااا ..
ووتعشينااا مشوي مره ثانية << عنز بدو وطاحت في مريس ...

ومارجعنااا الا 7 الصبح للشقة ورقدنااا ورجعنااا للريااااض وتوتااا توتااا خلصت الحتوته والحمدلله على سلامتناااا


والله كان بودي انزل الصور بس للاسف حجمهااا كبير موب راضي ينزلهاا لكن ابحاول اظغطهااا واجيبهاااا لكم ...

دمتم بود
حــــــــمد
عضو شرف
عضو شرف
 
مشاركات: 1245
اشترك في: الأحد 14-08-2005, 8:44
مكان: الرياض

Re: الشرقية ........قبل رمضان شي ثاني

مشاركةبواسطة sara » الثلاثاء 25-09-2007, 4:48

الحمد الله على السلامه
ياله وين الصور تحمست على بحر الافلام :D :D
sara
عضو شرف
عضو شرف
 
مشاركات: 443
اشترك في: السبت 19-08-2006, 0:22

Re: الشرقية ........قبل رمضان شي ثاني

مشاركةبواسطة حــــــــمد » الثلاثاء 25-09-2007, 10:43

خخخخخخخخخخخ


بحر الافلام <<< متاثر ب لوست..
حــــــــمد
عضو شرف
عضو شرف
 
مشاركات: 1245
اشترك في: الأحد 14-08-2005, 8:44
مكان: الرياض

Re: الشرقية ........قبل رمضان شي ثاني

مشاركةبواسطة فهد » الثلاثاء 25-09-2007, 14:26

sara كتب:الحمد الله على السلامه
ياله وين الصور تحمست على بحر الافلام :D :D



عجل يا ابوسليمان عطنى الصور
فهد
مدير الموقع
مدير الموقع
 
مشاركات: 1850
اشترك في: الاثنين 25-11-2002, 21:24
مكان: السعودية-الرياض

Re: الشرقية ........قبل رمضان شي ثاني

مشاركةبواسطة حــــــــمد » الثلاثاء 25-09-2007, 15:23

وش لون اظغطهاااا...؟؟؟ ما اعرف
حــــــــمد
عضو شرف
عضو شرف
 
مشاركات: 1245
اشترك في: الأحد 14-08-2005, 8:44
مكان: الرياض

Re: الشرقية ........قبل رمضان شي ثاني

مشاركةبواسطة فهد » الثلاثاء 25-09-2007, 16:47

حــــــــمد كتب:وش لون اظغطهاااا...؟؟؟ ما اعرف



ماهي البرامج المستخدمه لديك في التعامل مع الصور ..
فهد
مدير الموقع
مدير الموقع
 
مشاركات: 1850
اشترك في: الاثنين 25-11-2002, 21:24
مكان: السعودية-الرياض

Re: الشرقية ........قبل رمضان شي ثاني

مشاركةبواسطة حــــــــمد » الأربعاء 26-09-2007, 11:52

ايييييييييه تقولي



البرامج الي استخدمهاااااا.........!!!
حــــــــمد
عضو شرف
عضو شرف
 
مشاركات: 1245
اشترك في: الأحد 14-08-2005, 8:44
مكان: الرياض

Re: الشرقية ........قبل رمضان شي ثاني

مشاركةبواسطة ms.GR » الأربعاء 26-09-2007, 23:06

الحمد لله على السلاااامه حمد ...

اذا ماعليك كلافه ياليت تحط لنا صورة
كورنيش راس تنورة معروف من ارقى الشواطى في المنطقة الشرقية ومجهز تجهيز جباااار واهم شي نظييييييييييف


واذا على تصغير الصووور مره سهل ومن احدى الطرق انك تفتح برنامج Microsoft office picture manager

pic.manager.JPG


وبعدين اختار Edite Pictures
resize
وبعدها عدل الصوره حسب حاجتك :)

ان شاء الله اكون افدتك...

بانتظااااار الصور :com:
ليس لديك الصلاحية لمشاهدة المرفقات
ms.GR
عضو شرف
عضو شرف
 
مشاركات: 151
اشترك في: الاثنين 28-08-2006, 2:54
مكان: ar riyadh

Re: الشرقية ........قبل رمضان شي ثاني

مشاركةبواسطة نايف » الأحد 30-09-2007, 2:08

عجل علينا بالصور



وما قصروا الشباب عطوك طريقة تصغير الصور ..
نايف
عضو شرف
عضو شرف
 
مشاركات: 2121
اشترك في: الخميس 05-12-2002, 13:04
مكان: بيتي

Re: الشرقية ........قبل رمضان شي ثاني

مشاركةبواسطة ms.GR » الأحد 30-09-2007, 3:00

وما قصروا الشباب عطوك طريقة تصغير الصور ..


انا صرت من الشباب :|
ms.GR
عضو شرف
عضو شرف
 
مشاركات: 151
اشترك في: الاثنين 28-08-2006, 2:54
مكان: ar riyadh

التالي

العودة إلى (`·.¸رحلات¸.·´)

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر

cron